Pandan depa Kylian Mbappé konfime, fransè a te pase plis ak plis tan sou ban an depi lè l te eksprime entansyon li pou l kite PSG ete sa a. Luis Enrique, bò kote pa l, sanble ap fè on fason pou l dezabitye ap meyè jwè klèb Parisyen ki limenm pozisyone l sou tout tablo yo.
"San okenn dout pi bon jwè nan mond lan. Sa ki etone m plis se pa kalite teknik li non men se kalite imen li: li gen yon mantalite pozitif, li toujou souri, li trè pozitif pou ekip la." Li te deja sanble depi yon bon bout tan de sa lè Luis Enrique te fè lwanj pou Kylian Mbappé apre gòl sovtaj li kont Borussia Dortmund yon aswè nan mwa septanm 2023 a. Kèk mwa nan aswè nan Parc des Princes, entènasyonal fransè a te di PSG sou entansyon l pou l kite klèb la ete sa a, lè kontra l ekspire. Depi lè anons sa fin fèt, Luis Enrique te kite "étoile" li a pase pi plis tan sou bò liy yo. Dènye epizòd jiska dat, sòti Mbappé nan mitan match kont AS Monaco (0-0).
"Nou pral oblije abitye jwe san Kylian"
Antrenè Parisyen an konfime ke li te "100%" yon desizyon pa antrenè a, ekskli sispèk de yon blesi. "Pi bonè oswa pita nou pral oblije abitye jwe san Kylian. E kòm yon antrenè, objektif mwen se toujou jwenn pi bon pou ekip la, sa mwen konsidere pi bon pou ekip la, "ensiste antrenè Panyòl la nan yon konferans pou laprès.
Dezi sa a pou konpoze san Kylian Mbappé a te deja nan tèt Luis Enrique depi plizyè semèn. Nan mwa fevriye, pandan yon vwayaj kont FC Nantes, jou apre revelasyon nan entansyon ete a, fransè a te kòmanse match la sou ban anvan li fè premye li "à l’heure de jeu" kont Stade Rennais, li te kòmanse byen men li ta bay plas li a al Gonçalo Ramos ki aprèsa ta pral make sou penalite. Kont Monako, li te sèl jwè Parisyen ki te soti pandan mitan an, ranplase pa Randal Kolo Muani. Sa a se premye fwa depi Oktòb 2022 ke "Golden-boy de Bondy" a te rive ranplase nan de match youn apre lòt. Petèt fristre pa tretman sa a, Parisyen te pran plas li nan tribin nan ak fanmi li yo apre l te fin pran yon douch epi mete rad sou li san ke l pa t ale nan ban an.
Lamarre Jameson ✍🏿
